Proposal IT eLearning

១. សេចក្តីផ្តើម
បច្ចុប្បន្ននេះ ព្រះរាជាណាចក្រកម្ពុជាកំពុងមានការអភិវឌ្ឍ និងផ្លាស់ប្តូរយ៉ាងឆាប់
រហ័សនៅក្នុងវិស័យនយោបាយ សេដ្ឋកិច្ច និងបច្ចេកវិទ្យា។ ដើម្បីឆ្លើយតបទៅនឹងការវិវត្តទាំងនេះ រាជរដ្ឋាភិបាលកម្ពុជាបានដាក់ចេញនូវគោលនយោបាយ និងយុទ្ធសាស្ត្រជាច្រើនក្នុងគោលបំណងជំរុញការអភិវឌ្ឍសេដ្ឋកិច្ចនិងសង្គមឌីជីថល។ ការរីកចម្រើននៃបច្ចេកវិទ្យាព័ត៌មាន និងទំនាក់ទំនង (ICT) បាននាំមកនូវការផ្លាស់ប្តូរយ៉ាងសំខាន់លើរបៀបរស់នៅ ការធ្វើការ និងការសិក្សារបស់ប្រជាពលរដ្ឋ។ ក្នុងបរិបទនេះ វិស័យអប់រំក៏ត្រូវការសម្របខ្លួនទៅនឹងការផ្លាស់ប្តូរទាំងនេះផងដែរ ដើម្បីធានាថាការបង្រៀន និងការរៀនអាចបន្តប្រព្រឹត្តទៅបានប្រកបដោយប្រសិទ្ធភាព និងស្របតាមតម្រូវការនៃសង្គមសម័យថ្មី។ ជាក់ស្តែងការរីកចម្រើននៃវិស័យបច្ចេកវិទ្យាអប់រំ (Educational Technology - EdTech) នៅកម្ពុជា តាមរយៈគម្រោង និងវេទិកាផ្សេងៗដូចជា EdTech Cambodia បានបង្ហាញពីការយកចិត្តទុកដាក់កាន់តែខ្លាំងចំពោះការប្រើប្រាស់បច្ចេកវិទ្យាក្នុងការកែលម្អគុណភាពអប់រំ។ ការ
អនុវត្តបច្ចេកវិទ្យាឌីជីថល ក្នុងវិស័យអប់រំមិនត្រឹមតែជួយបង្កើនប្រសិទ្ធភាពនៃការបង្រៀន
និងការរៀនប៉ុណ្ណោះទេ ប៉ុន្តែថែមទាំងជួយពង្រីកឱកាសទទួលបានការអប់រំ សម្រាប់អ្នក
សិក្សាគ្រប់ទីកន្លែង និងគ្រប់ពេលវេលាផងដែរ។
ក្នុងយុគសម័យបច្ចេកវិទ្យាព័ត៌មានបច្ចុប្បន្ននេះ បច្ចេកវិទ្យាបានក្លាយជាឧបករណ៍ដ៏សំខាន់មួយសម្រាប់ការគ្រប់គ្រងព័ត៌មាន ការទំនាក់ទំនង និងការផ្តល់សេវាកម្មក្នុងវិស័យ
ផ្សេងៗ។ សម្រាប់វិស័យអប់រំប្រព័ន្ធ Learning Management System (LMS) ឬប្រព័ន្ធគ្រប់គ្រងការសិក្សា បានដើរតួនាទីយ៉ាងសំខាន់ក្នុងការគាំទ្រដល់ការរៀន និងការបង្រៀនតាមប្រព័ន្ធអនឡាញ។ ប្រព័ន្ធ LMS អាចជួយសម្រួលដល់ការគ្រប់គ្រងវគ្គសិក្សា ការផ្ទុកមេរៀន និងសម្ភារៈសិក្សា ការចុះឈ្មោះចូលរៀន ការធ្វើតេស្តអនឡាញការគណនាពិន្ទុនិងការតាមដានវឌ្ឍនភាពសិក្សារបស់សិស្ស-និស្សិត។